Përshkrim
Bibliography:
Lindita Zeneli Marku lind në qytetin e traditës dhe të kulturës, Shkodër. Studimet për artin datojnë në shkollën e mesme artistike Prenk Jakova dhe në vitet 1992 diplomohet në degën e skulpturës, Fakulteti i Arteve të Bukura U.A.R.T.
Krijimtaria dhe vijimësia Lindita Markut është si një forme e vetme e shkëputur nga Mater Matuta. Gjallëruese e jetës! Në arkivin e koleksionit të saj sheh vizatime dhe realizime në qeramikë me tema nga më romantiket gjer tek ato më të përligjurat nga ngarkesa e studimit akademik të kohës, nga portretet më zhbiruese gjer tek lëkura e trupave të vizatuar deri në poren e fundit.
Imazhi femëror është një vazhdimesi e krejt artit pamor, lëvruar prej artistëve. Femra ngelet ndër subjektet më të trajtuara dhe më të mbartura me domethënie simbolike të të gjitha kohërave. Mënyrat e paraqitjes së figurës së saj kanë ndikuar ”variablin e tharmit artistik” mbi të, duke ndjekur hap pas hapi zhvillimin e teknikave artistike, ndryshimin e shijeve estetike dhe përthyerjet etike të lëvizjeve të ndryshme të artit si dhe, element jo më pak i rëndësishëm, ndryshimin e mënyrës së konceptimit të rolit të gruas në shoqëri.
Veprat e Linditës sjelli figuren e femrës që mbart gjurmët e një kohe të largët e cila shpesh troket akoma me tharmin e saj.
Lindita Marku, Nudo 2017, Miks ne leter, Dimensionet:67x78cm.
